|
சொற்களில் பயன் உடைய சொற்களை மட்டுமே சொல்லவேண்டும், பயன் இல்லாதவைகளாகிய சொற்களை சொல்லவே கூடாது.
|
|
பரிமேலழகர் உரை (Parimelazhagar Definition):
|
|
சொல்லில் பயன் உடைய சொல்லுக - சொற்களில் பயன் உடைய சொற்களைச் சொல்லுக, சொல்லில் 82
பயனில்லாச் சொல் சொல்லற்க - சொற்களில் பயன் இல்லாத சொற்களைச் சொல்லாது ஒழிக. ('சொல்லில்' என்பது இருவழியும் மிகையாயினும், சொற் பொருட் பின்வருநிலை என்னும் அணி நோக்கி வந்தது. "வைகலும் வைகல் வரக்கண்டும்" (நாலடி 39) என்பது போல. இதனால் சொல்லப்படுவனவும் படாதனவும் நியமிக்கப்பட்டன.)
|
|
மணக்குடவர் உரை:
|
|
சொல்லுவனாயின் பயனுடைய சொற்களைச் சொல்லுக: சொற்களிற் பயனில்லாத சொற்களைச் சொல்லா தொழிக.
இது பயனில சொல்லாமை வேண்டுமென்றது.
|
|
தேவநேயப் பாவாணர் உரை:
|
|
சொல்லின் பயன் உடைய சொல்லுக - ஏதேனு மொன்றைச் சொல்லின் பயனுள்ள சொற்களையே சொல்லுக; சொல்லில் பயனிலாச் சொல் சொல்லற்க - சொற்களிற் பயனில்லாதவற்றைச் சொல்லாதிருக்க.
ஒரே பொருளை உடன்பாட்டிலும் எதிர்மறையிலும் கூறியது அதை வலியுறுத்தற்காதலின் , கூறியது கூறலன்று. ஒரே சொல் பொருள் மாறாது திரும்பத் திரும்ப வந்தது 'சொற்பொருட் பின்வருநிலை' யணியாம்.
|
|
கலைஞர் உரை:
|
|
பயனளிக்காத சொற்களை விடுத்து மனத்தில் பதிந்து பயனளிக்கக்
கூடிய சொற்களையே கூற வேண்டும்.
|
|
சாலமன் பாப்பையா உரை:
|
|
சொற்களில் அறம், பொருள், இன்பம் ஆகிய பயன்தரும் சொற்களையே சொல்லுக; பயனற்ற சொற்களைச் சொல்லவேண்டா.
|
|
நாமக்கல் கவிஞர் வெ. இராமலிங்கம் பிள்ளை உரை:
|
|
(ஆகையினால்) பயனுள்ள வார்த்தைகளையே ஆராய்ந்து பொறுக்கியெடுத்துப் பேசவேண்டும். வீண் வார்த்தைகளை ஆராய்ந்து பொறுக்கியெடுத்து விலக்க வேண்டும்.
|
|
திருக்குறள் வீ. முனிசாமி உரை:
|
|
சொற்கள் பலவற்றுள்ளும் பயன்தரக்கூடிய சொற்களைச் சொல்லுவாயாக; சொற்களில் பயனேதும் இல்லாத சொற்களைச் சொல்லாதிருப்பாயாக.
|
|
தமிழ்க்குழவி உரை:
|
|
சொற்களில் பயன்தரும் சொற்களை மட்டுமே பேச வேண்டும். யாதுபயனும் விளைவிக்காத சொற்களை என்றுமே பேச வேண்டாம்.
|
|
Translation
|
|
If speak you will, speak words that fruit afford,
If speak you will, speak never fruitless word.
|
|
Explanation
|
|
Speak what is useful, and speak not useless words.
|
|
Transliteration
|
|
Solluka Sollir Payanutaiya Sollarka
Sollir Payanilaach Chol
|
|
|
திருக்குறள் ஓவியம்: ஓவிய ஆசிரியர் திரு.செ.நடராசன், நல்லூர் விஜயாபுரம்
|
|
|
