|
அறியாமையாகிய இருள் பொருந்திய துன்ப உலகில் இருந்து வாழும் வாழ்க்கை, அருள் பொருந்திய நெஞ்சம் உடையவர்களுக்கு இல்லை.
|
|
பரிமேலழகர் உரை (Parimelazhagar Definition):
|
|
இருள் சேர்ந்த இன்னா உலகம் புகல் - இருள் செறிந்த துன்ப உலகத்துள் சென்று புகுதல், அருள் சேர்ந்த நெஞ்சினார்க்கு இல்லை - அருள் செறிந்த நெஞ்சினை உடையார்க்கு இல்லை. ('இருள் செறிந்த துன்ப உலகம்' என்றது, திணிந்த இருளை உடைத்தாய்த் தன் கண்ணே புக்கார்க்குத் துன்பம் செய்வதோர் நரகத்தை, அது கீழுலகத்துள் ஓர் இடம் ஆகலின், 'உலகம்' எனப்பட்டது.)
|
|
மணக்குடவர் உரை:
|
|
அருளைப் பொருந்தின நெஞ்சினையுடைவர்க்கு இருளைப் பொருந்தின நரகலோகம் புகுதலில்லை.
இது நரகம் புகாரென்றது.
|
|
தேவநேயப் பாவாணர் உரை:
|
|
இருள் சேர்ந்த இன்னா உலகம் புகல் - இருள் திணிந்த துன்பவுலகமாகிய நரகத்துட் புகுதல்; அருள் சேர்ந்த நெஞ்சினார்க்கு இல்லை - அருள் நிறைந்த நெஞ்சையுடைய துறவியருக் கில்லை.
தீயுழியும் அளறும் போல இருளுலகமும் நரக வகையாம்.
|
|
கலைஞர் உரை:
|
|
அருள் நிறைந்த மனம் படைத்தவர் அறியாமை எனும் இருள் சூழ்ந்த
துன்ப உலகில் உழலமாட்டார்.
|
|
சாலமன் பாப்பையா உரை:
|
|
அருள் நிறைந்த நெஞ்சத்தவர்க்கு, இருட்டான, துன்ப உலகமாகிய நரகம் புகும் நெருக்கடி இல்லை.
|
|
நாமக்கல் கவிஞர் வெ. இராமலிங்கம் பிள்ளை உரை:
|
|
(அருள் நெறியை மேற்கொண்டவர்கள் உலகத்திலுள்ள மருள் நெறிகளோடு சேரமாட்டார்கள்.) சீவகாருணியம் நிறைந்த மனமுடையவர்கள் அறியாமை நிறைந்த உலக விவகாரத் துன்பங்களில் ஈடுபடமாட்டார்கள்.
|
|
திருக்குறள் வீ. முனிசாமி உரை:
|
|
இருள் நிறைந்த துன்ப உலகத்தில் சென்று புகுதல் என்பது அருள் நிறைந்த நெஞ்சினையுடையவர்களுக்கு இல்லை.
|
|
தமிழ்க்குழவி உரை:
|
|
அருளுடைமையை உடைமையாகக் கொண்ட கருணை மனத்தினர்க்கு இவ்வுலகில் துன்பம் நல்கும் இருள்சார்ந்த நிலை இல்லை.
|
|
Translation
|
|
They in whose breast a 'gracious kindliness' resides,
See not the gruesome world, where darkness drear abides.
|
|
Explanation
|
|
They will never enter the world of darkness and wretchedness whose minds are the abode of kindness.
|
|
Transliteration
|
|
Arulserndha Nenjinaark Killai Irulserndha
Innaa Ulakam Pukal
|
|
|
திருக்குறள் ஓவியம்: ஓவிய ஆசிரியர் திரு.செ.நடராசன், நல்லூர் விஜயாபுரம்
|
|
|
